2008/08/01

一人有一個夢想

老弟未發福前,樣子有點像劉德華,歌喉雄渾,結他拿手。廿多年前讀電影班交功課,他替我真人演出 Gary Moore 的 Empty Room,在中大誠明館的天台水箱,彈著結他一躍而下,好有型。過了幾年,也記不清楚大家在失戀還是失業,反正姊弟倆賦閑在家,一時興起,拍了一個一take過的我終於失去了你。兩盒錄影帶還在,但帶和機都出了故障,影像只能以物質存在,可觸不可觀。

提起老弟,是因為昨夜睡前忽發奇想,好想找他再次粉墨登場,讓這個中央肥胖、髮線略後、頭頂微禿的打不死肥仔唱首一人有一個夢想,連拍些甚麼鏡頭都想了。

我的老弟,絕對有可能比 Paul Potts 精彩!


Empty Room by Gary Moore


我終於失去了你 by 趙傳


一人有一個夢想 by 黎瑞恩


Paul Potts in Britain's Got Talent

4 則留言:

Unknown 說...

呢位PAUL太強, 小弟比唔上.....粉墨登場冇問題...不過...可唔可以換隻歌呢?例如MY WAY呀, IMPOSSIBLE DREAM呀咁..

joyce ho 說...

我當然知道MY WAY呀, IMPOSSIBLE DREAM呀係你的飲歌...

但堂堂一個大男人唱得好呢首一人有一個夢想一樣唔簡單,不如咁,一人行一步,來 IMPOSSIBLE DREAM 跟一人有一個夢想的remix medley,你家姐我係咪好有創意?

Unknown 說...

既然玩開昔日情懷, 不如揾埋Donald幫手編個"一人有一個夢想+Impossible Dream" Hard Rock Remix, 跟住用迪克牛仔格演繹,...嘩....分分鐘3白金......

joyce ho 說...

又一個夢想成真,有志竟成的故事開始了......