十八年青春，何價？

深霄未睡，本想搜尋一些懲教院所的圖片，無意發現報章一個很鱔的稿，講一對攣生妹妹拿十八年長期服務獎，和這兩位姊妹昔日有數面之緣，看了不無感慨，連結上Facebook，不一日，多位退休和未退休的同事留言大抒己見，看來，這真是一個在民間抑壓了很久的問題，未解決。

下文Copy and Paste 自Facebook，因未徵得留言好友同意轉載，辜隱其名。

Joyce HO

廿一年前我入行時，十年八年未升職的二級懲教助理，都係一些表現麻麻的。過了廿年，足足十八，攞埋長期優良服務獎，都未有得升，仲要被人用黎出新聞，真的為默默耕耘的同事致敬！我想借呢個故仔，問下我地各位疑似特首，特區政府的團隊是醒過97前定差過97前，點解同樣做好一份工，大部份基層人員做到max左十幾年都無職升？

「懲教雙妹嘜」齊獲獎 工作18載

因為香港已死。Madam, 你係少數o既好人...呢個世界, 最緊要識擦, 如果唔係, max 廿年無得升都係咁話...

12 hours ago ·  ·

Joyce HO 快而準！果然係資優生^^無錯，擦係唔夠做架，要識擦，擦到D長官嘅意志被人擦左都唔知，結果，鞋童嘅意志=長官嘅意志，咁就大家都玩完。

11 hours ago ·  ·

曾幾何時, 我覺得自己都算係有理想有抱負o既, 唉, 比呢個政府磨滅左...政府工, 越做得就越做死, 越唔做o既越唔駛做 (呢句係我近排o既口頭禪) 比人搵笨出聲o個d叫計較, 搵人笨o個d就繼續風流快活升官發財....都係o個句, 最緊要識擦!!!

11 hours ago ·  · 

是悲情故事！我見有好多好醒的同事，做左廿幾年，就係唔想為左張 out 仔 CR 低聲下氣！
我有次聽見有同事同 DO 講，你唔好玩啦，張 out 仔你留俾想昇的人，我做多五年都退休。我一定同你番足工，不過我有事你就要俾我放！咁就大家都收線！
有好多長官就係用張 out 仔去玩權術！而唔係去俾一 d 值得的同事！
有一次某長官同我講，你張 CR 寫好啦，VG！不過如果你想見 薯仔幫，我同你寫過張 out 仔！
我同阿 sir 講，你如果覺得我 out 就寫 out，唔係因為我想昇、你就寫 out！多謝啦！

11 hours ago ·  · 

眼見d人為out仔埋沒良心，出賣人，事非當人情，無料扮有料，返工活係一個謊言世界，無人可信既情況，實在恐怖，依幾年見識左好多，依份工唯一既好處係教你唔好信人，信自己吧！灰

11 hours ago ·  ·

兩姐妹都是又醒又乖的職員，還記得她們當然投考時我都有份interview佢地，咁多年都很勤力，但係無法！無得升就係無得升！在女監工作想拿張VG CR 都唔容易啦！何況係OUTSTANDING！難上加難！我做了咁多年都未有過！

10 hours ago ·  · 

Madam, 因為呢個係政治遊戲, 並不是有能者居之嘅公平競爭!!!

9 hours ago ·

 我經歷過好易升和好難升的年代！其實我地個部門根本不可以用有能者居之！我們的升級受到社會大環境的控制！要講就要寫成千字以上！等我有時間再詳談！

5 hours ago ·

Madam！唔好話以上各位師兄姊嘅諗法，連我呢個只係做咗九年嘅都無乜寄望同感覺！我只會默默耕耘，努力做到最好同過得自己關就夠，其他嘢唔諗亦未輪到我諗！日日只有做做做！所以你見我放工放假咁多飯局同活動，可能呢啲已經係無形幫我減咗壓同放鬆嘅方法！

5 hours ago ·

我是一個AOII入職，升過AOI，—再升Officer！被人提攜升級試過，提攜下屬升級又試過！當中是有很多因素去影響！

5 hours ago ·

我想講講，我地唔好默默耕耘，因為你默默耕耘的話，係呢個世上無人會主動認識你，無人會突然睇到你！大家唔知道我講唔講得明！

5 hours ago ·  ·

Joyce HO 吳Sir講得好岩，請你繼續講多D，將你的體驗同上面呢班一直好乖好默默耕耘的小朋友分享。以前做政府基層人員，默默耕耘，等到退休有長糧，都算化算，今時今日做正苦工，默默耕耘半世，賠硬。

4 hours ago ·  ·

因為正在組織我的網誌和準備到台灣讀書，但我都希望講多些少比大家分享，我知道未必有太多朋友會喜歡聽我講！係我退休時，我和好多80後和一些資深又無機會升級的同事都分享過！他們！極之認同我的睇法！剛才我看到湯哥講起寫out仔的事，我個人從來都無咁同的AOI講，我相信，我係部門寫out仔比AOI係最多的一個！我認為每年CR的評分是一份成績表，也是對一位資深的工作人員作出鼓勵，我相信對他個人，對我和對部門都有裨益！我相信好多跟過我的AOI都能引證！

3 hours ago · 

在這裡，我希望一些到達年資或者過了年資都沒有得升的朋友提醒，以我的經驗，你一定要很坦白同你個直屬上級講清楚你的意願，你想博幫板，還是等升AOI，因為有些時間，你的態度會影響寫CR個位上級，尤其資深的同事！我曾經鼓勵過一個25年AOII的同事，給他3年好的CR，28升級，可能太遲，但也應該對他的工作表現作為一個認同！這個是實例，當時很多人都知道，也覺得很出奇！我認為做人要面對的東西，一定要令到其他人知道，除非你明天就退休或者明天就離開這個世界！我希望有機會繼續讀書，我認為做人一定要做到離開這個世界為止，想做就做，想學就學！但記住，一定要讓你身邊的人知道你想怎樣！像我們在工作上就是，現在競爭比我們之前實在差很遠！

3 hours ago ·  ·

湯哥說得十分對，十八年優良服務，換來都是個悲情的故事。同事乖乖默默地陪跑多年，十八載付出的血與汗，有獎章，無獎金，上埋報，其實這是部門的一大諷刺 ! 是須要管理階層去好好思考的議題。伍Sir講得很精粹 ! 十分認同。

about an hour ago ·

唔知邊個獻計做呢個古仔！得出咁多負面回應！
不過我接觸過其它紀律部隊，都差不多有這現像，要十八、九年才昇倒沙展。
都係勤力 d 讀書，昇幫辦還容易一點！

35 minutes ago · 

呢d叫做"唔啱音"師爺，"低調高唱"，害了老爺 !

35 minutes ago ·

始終係要天時、地利、人和。有幸被派到自己能發揮的崗位，重要遇到有眼珠的上司，才可以不落後於人！

6 hours ago ·

 ·